親愛的,

過咗兩日, 心情平靜咗...
亦用咗呢兩日諗清楚呢件事...
我知道係時候要面對...
心痛... 我真係好心痛...
或者要將我個心放入你到你先知道有幾痛
但係我知道放手對大家嚟講係最好嘅...
七年半嘅感情唔係話忘記就忘記
我亦都冇諗過要忘記
屋企同街上面嘅每一樣野
都充滿住你同我嘅回憶
你成日話浪費咗我嘅時間
但係同你一齊嘅呢段日子我完全冇後悔過
只係可惜我地唔可以走到最後啫...
傷痛就用時間慢慢去治療la
唔洗擔心我
為咗愛我嘅家人同朋友
我唔會有事的
我只係希望以後嘅日子
你會更加開心快樂

曾經深愛過你的...

行咗成日
好累呢...

企咗响朗豪坊某地方望住三條上落嘅電睇一陣
原來平均唔夠五秒就會有一對情侶經過
而呢d情侶都會上下面對面咁企...
個樣都係sweet的...
吾不欲觀之...

每次奔波工作裡 也差點想氣餒 差些死去
有你攀山都有趣 吃苦都多麼趣 輕鬆面對
流過似水歲月 奮鬥十年買戒指
才永遠緊記你特殊位置 沒忘記彼此

能與你一起 更艱難更在乎你
能與你一起 哪管財富賺不
能與你一起 我的殘缺亦完美
能一起 贏輸都勝利
能一起 才珍惜運氣

抗拒一天很富有 怕多一些引誘 一班損友
要你開心經已夠 愛幾多都不夠 相當內疚
迎接各種挫敗 有錯便和你告解
純樸會比較做巨人愉快 未為意好歹

能與你一起 更艱難更在乎你
能與你一起 哪管財富賺不
能與你一起 我的殘缺亦完美
能一起 贏輸都勝利
能一起 才珍惜運氣

當有天身心灰飛 唯恐明日會離開你

能與你一起 半羹鹽也是甜美
能與你一起 最驚誰有日先死
能與你一起 哪管和你被遺棄
捱得起 旁觀者妒忌
捱得起 人生只為你

近來發現自己原來係有選擇障礙症的...

太多嘅選擇會頭痛, 會不知所措...

由期是重要嘅選擇...

好似個日揀花球咁

超多款... 好多款都靚...

好驚自己揀錯...

望住d花球諗咗超耐

攪到人地收舖都未揀到...

死na, 遲d仲有大把決策要我做ga ma....

呢期睇完呢兩套日劇
兩套完全唔同 style 嘅劇
都好好睇ar~~(我太濫了)

"怪物王子"



內容同造型都超似五星戰隊個d ar
好笑又健康
啱晒小朋友收睇嘅 I 級電視劇ar
個男主角真係... 一d都唔似三十幾歲...

"Code Blue 2"



繼續上一輯嘅劇情
內容一d都唔差過第一輯
好好睇, 一d都唔悶場
製作認真, 山下智久又靚仔
但係有一點真係好唔明
點解呢套劇入面嘅醫生一遇到有人停咗心跳
都鐘意即時就地開胸用手直接按摩心臟
而唔係搵個野電下佢先呢...
妙手仁心入面都冇咁嘅...

原來, 不被需要嘅感覺... 是痛的

某人講得啱, 我的確神不守舍...

真係好痛...

菲律賓脅持人質事件...

評論睇得太多... 不願再評...

心痛每一位失去親人的當時人

活着嘅人永遠都係最痛苦的...

節哀吧~

一個人承受嘅壓力...
原來可以咁重...

本來以為可以好好面對嘅事...
突然變得好沉重...

----- ----- ----- ----- -----

我愛上讓我奮不顧身的一個人~

.......

我相信　一切都會平息......

唔係收到個 sms 都唔知今日係七夕~
我諗真係好少人會記得掛...
但係俾我知道咗好似特別覺得孤單tim...

打完波同gogo坐响麥記一人食一個廿蚊餐\r
hahaa 感覺有d攪笑
但係吹下水感覺都唔錯ya

相比起隔離枱自己食麥記仲要搭枱嘅女子
我地幸福好多 ^^

啱啱 miss chan chan 話：
你年紀都唔細 la, 廿幾歲na...

今日睇咗個叫"黃金歲月"嘅電視節目
節目入面訪問咗幾個退咗休嘅老人家
講下佢地嘅老年生活
雖然佢地有d係獨居, 有d無兒無女, 有d有病痛...
但係佢地一d都唔悲觀
相反, 佢地積極樂觀、熱愛生命嘅人生態度
真係好好嘅正面教材

人生雖然短暫
但係都可以活得好精彩
但願, 我所愛嘅人都可以樂活每一天~

最近睇咗呢兩套戲

"Toy Story 3" 就期待已久na
好笑到呢~~
最欣賞嘅係阿ken
表現超級出色ar hahaaaa
不過我覺得3D效果唔突出
唔睇3D都得

"Inception"嘅故事內容新鮮
所以就吸引咗入場睇la
都ok嘅
但係令我有深刻感覺嘅地方就冇lor

同ter預祝生日
揀咗响尖咀嘅 Osaka 鐵板燒
我地都係第一次食d咁正宗嘅日式鐵板燒
未食完已經不停讚好~~ 好好味ar~~
我地叫咗一個海鮮set同一個薄牛肉set share食
先嚟前菜同沙律, 仲有一大支sapporo
我都唔知前菜係d咩, 有d豆ar, 菜ar咁
酸酸地好味 ^^
沙律就普通la
跟住師父就開始煮第一道菜 - 燒大蝦
師父處理呢隻大蝦嘅手法真係令我嘆為觀止
用兩個鐵鏟响鐵板上面去殼去內臟
切下煎下咁
簡真係表演一樣ar~~
蝦燒得好, 個蝦頭燒得仲好
d蝦腳燒到好脆, 超好食ar
一隻蝦可以食得咁盡~~ 讚!!!
之後就係鱈魚同鰻魚
呢兩隻魚師父都係煎咗一陣之後就切咗塊皮落嚟
唔係丟咗去, 而係將佢燒到薯片咁脆
又係超好食ar~~ 讚!!!
跟住就係魷魚同帶子
魷魚就燒咗一陣就上碟, 味道就普通la
帶子就放咗响個殼上面燒
好鮮味ar~~ 讚!!!
跟住就輪到薄牛肉na
真係估佢唔到... d牛肉竟然係包蔥蒜嚟食
就好似金菇牛肉卷咁
不過變咗係蔥
一路睇住佢燒我就一路 oh my god na...
食個一刻就諗住死就死la
放咗入口咬咗幾啖... 好味ar~~
完全食唔到蔥味
仲覺得好爽
第一次覺得蔥係好味ga~~ 讚!!!
之後就係唯一一道麻麻的
就係炒菜... 因為有一半都係芽菜...
今次真係死就死都食唔落na
跟住就係炒飯同炒麵
飯炒得好香好味, 麵就普普通通
最後就係甜品na
甜品可以揀生果 or 雪糕
我地就揀咗一個綠茶同一個芝麻雪糕
好滿足嘅一餐ar~~
雖然係貴, 但係我地都覺得有下次ar ^^

今日真真正正咁去睇樓na
樓價真係癲ga
短短一兩個月又升咗十幾萬...
真係頭都痛埋
從來都未試過買d咁貴嘅野 ="=
要做決定真係感受到前所未有嘅壓力...
個人有d迷網tim

始終呢個係屬於我同你嘅野
真係唔希望你去承受晒所有
我一定會為你分擔 ^^
放心la, 一定攪得掂
期待我地嘅安樂窩~~ haha